" જીનાલય - પ્રતિમા શુદ્ધિકરણ દ્વારા દેવ તત્વ ની સેવા..." " ગુરૂભગવંત ના માર્ગદર્શન નાં કાર્ય દ્વારા ગુરુ તત્વ ની સેવા..." " કલ્યાણ મિત્રો ના સાથ સહકાર દ્વારા દરેક ધર્મક્રિયા નો વ્યવહાર એટલે ધર્મ તત્વ ની સેવા..." જ્યાં દેવ-ગુરુ-ધર્મ તત્વ ની આરાધના થતી હોય તે છે આપણું ' વંદે શાસનમ્ ગ્રુપ '.

જેસલમેર જિનાલયની શુદ્ધિકરણ માં મેં નામ તો નોંધાવી દીધું હતું પણ મનમાં ઘણા વિચાર હતા કે ત્યાં કેવી રીતે શું કરવાનું આટલી લાંબી જર્ની છે નહીં ફાવે તો પણ આ અનુભવ એટલો અકલ્પનીય અને એટલો અદભુત હતો કે મને લાગ્યું કે હું ભાગ્યશાળી છું કે મને આ કાર્યમાં જવા મળ્યું અને બધા જ બધા જ લોકો એટલો સાથ સહકાર હતો કે આ કાર્ય એટલું સરસ રીતે મેં મારા જીવનમાં પ્રથમવાર અને આવા પ્રાચીન તીર્થમાં જઈને આવા પ્રાચીન પ્રતિમાજીઓને સ્પર્શ કરવાનો એમનું શુદ્ધિકરણ કરવાનો જે સુંદર લાભ મળે એ બદલ વંદે શાસન ગ્રુપનો હું ખૂબ ખૂબ આભારી છું. આમ તો ઘણું બધું કહેવું છે પણ મેસેજ બહુ લાંબો થઈ જશે અને લોકો વાંચીને કંટાળી જશે. પણ આ અનુભવ દરેકે જીવનમાં એક વારા તો કરવા જેવો છે ને છે.. વંદે શાસનગ્રુપ અને સૌ કાર્યકર્તા અને ટીમ લીડરનો ખુબ ખુબ આભાર

“વંદે શાસનમ્” ગ્રૂપ દ્વારા આપવામાં આવતી જિનાલય શુદ્ધિકરણ સેવા શુભ અને પાવન કાર્ય છે, જે આપણા કઠિન કર્મનો નાશ કરી મોક્ષ માર્ગે આગળ વધવામાં સહાય કરે છે. ભગવાન મહાવીરે કેવલજ્ઞાન પ્રાપ્ત કર્યા બાદ શાસનની સ્થાપના કરી, જે મોક્ષ પ્રાપ્તિ માટે જિન ભક્તિ અને ધર્મ અનુસરણનું માર્ગદર્શન આપે છે. તપસ્યા મુશ્કેલ હોય છે, પરંતુ ભક્તિનો માર્ગ સહેલ છે, જેમાં જિનાલય શુદ્ધિકરણ શ્રેષ્ઠ કાર્ય ગણાય છે. “વંદે શાસનમ્” ગ્રૂપના સંચાલકો, દાતા અને કાર્યકર્તાઓને ખૂબ અનુમોદના. એક સુચન ગમ્યું છે ૨-૩ ભાઈઓએ કરેલ છે. સ્વદ્રવ્ય થી શુદ્ધિકરણ કરવાની તક ઓછામાં ઓછી દર વર્ષે ૧ વાર આપો તો ઉત્તમ. ?